1 октября 2023 г. — 100 гадоў з дня нараджэння Васіля Піліпавіча Маркава (1923–2020), удзельніка Вялікай Айчыннай вайны, заслужанага настаўніка БССР
Васіль Піліпавіч Маркаў нарадзіўся 1 кастрычніка 1923 г. на Смаленшчыне ў вялікай сялянскай сям’і – шасцёра дзяцей. Бацька вярнуўся з Грамадзянскай вайны хворы, пражыў нядоўга. Сям’я жыла бедна, маці працавала ў калгасе. Пасля школы-сямігодкі Васіль паступіў у Мсціслаўскае педагагічнае вучылішча Магілёўскай вобласці. Навучанне вялося на беларускай мове, якую Васіль спачатку не ведаў, а стыпендыя выплачвалася ў залежнасці ад атрыманых адзнак. Ён старанна вучыўся, на выхадныя дабіраўся дадому дапамагаць маці па гаспадарцы.
29 верасня 2022 г. — 30 гадоў з часу стварэння прадпрыемства «Дзіона» грамадскага аб’яднання «Беларускае таварыства інвалідаў» (1992)
Спецыялізаванае прадпрыемства «Вясёлка»Беларускага таварыства інвалідаў (такую назву мела тады «Дзіона») зарэгістравана 29 верасня 1992 г. Было створана для працаўладкавання інвалідаў і тых, хто стаіць на ўліку ў аддзеле занятасці ўпраўлення па працы, занятасці і сацыяльнай абароне Маларыцкага райвыканкама. Першым дырэктарам назначаны Уладзімір Андрэевіч Бойка.
2022 г. — 35 гадоў народнаму хору ветэранаў працы Маларыцкага гарадскога Дома культуры (1987), лаўрэата абласных і рэспубліканскіх фестываляў
Пры Маларыцкім Доме культуры ў 1987 г. быў створаны хор ветэранаў вайны і працы. Творчы калектыў актыўна ўдзельнічае ў канцэртах і мерапрыемствах, якія праводзяцца ў горадзе і раёне. Асноўная мэта хору — прапаганда патрыятычнай песні.
1 студзеня 2022 г. — 75 гадоў з дня нараджэння Сцяпана Васільевіча Герасімука (1947), грамадскага дзеяча, Ганаровага грамадзяніна Маларыцкага раёна (2019)
Сцяпан Васільевіч Герасімук нарадзіўся 1 студзеня 1947 г. на хутары ля в. Высокае Маларыцкага раёна Брэсцкай вобласці.У бацькоў было адзінаццаць дзяцей, выжылі шасцёра, Сцяпан — самы малодшы. Калі яму было восем, раптам памёр бацька. У канцы 1950-х гг. улады прымусілі пераехаць з хутара ў вёску. Сцяпану давялося шмат працаваць па гаспадарцы, дапамагаючы маці: даглядаў жывёлу, касіў сена. Закончыў Высокаўскую семігодку, восьмы клас вучыўся ў Лукаўскай сярэдняй школе, а потым — у Велікарыцкай сярэдняй школе, якая за 15 км ад дому.
28 жніўня 2022 г. — 70 гадоў з дня нараджэння Аляксандра Іванавіча Ізбіцкага (1952–2010), паэта
Аляксандр Іванавіч Ізбіцкі нарадзіўся 28 жніўня 1952 г. у г. Маларыта Брэсцкай вобласці. У 1969 г. скончыў Маларыцкую сярэднюю школу (цяпер СШ № 1). На фарміраванне яго свядомасці вялікі ўплыў аказалі першая настаўніца Вольга Іванаўна Русавук, настаўнікі-прадметнікі Ілля Мікалаевіч Ляўкевіч, Ганна Міхайлаўна Шаціла.
15 студзеня 2022 г. – 100 гадоў з дня нараджэння Валерыя Паўлавіча Асташонка (1922–1980), удзельніка Вялікай Айчыннай вайны, генерал-маёра міліцыі
Валерый Паўлавіч Асташонак нарадзіўся 15 студзеня 1922 г. у в. Слабада Сіроцінскага (з 1961 г. Шумілінскага) раёна Віцебскай вобласці. У школе яму найлепш давалася гісторыя, збіраўся ў 1941 г. паступаць на гістфак педагагічнага інстытута, але перашкодзіла вайна.
8 сакавіка 2022 г. – 70 гадоў з дня заснавання ўстановы адукацыі «Маларыцкі дзяржаўны прафесійны ліцэй сельскагаспадарчай вытворчасці» (1952)
У рэспубліцы створана шматпрофільная, мабільная сістэма прафтэхадукацыі, якая чуйна рэагуе на патрэбы рынку працы, даступная кожнаму і забяспечвае адукацыйныя запыты, пераемнасць і бесперапыннасць узроўняў адукацыі. 19 студзеня 1952 г. Савет Міністраў БССР сваёй пастановай прапанаваў Брэсцкаму аблвыканкаму арганізаваць у гарадскім пасёлку Маларыта школу механізацыі сельскай гаспадаркі. 8 сакавіка 1952 г. яна была адкрыта.
7 жніўня 2021 г. — 70 гадоў з дня нараджэння Аляксандра Васільевіча Хапалюка (1951), кардыёлага, доктара медыцынскіх навук, прафесара
Аляксандр Васільевіч Хапалюк нарадзіўся 7 жніўня 1951 г. ув. Велікарыта Маларыцкага раёна Брэсцкай вобласці. Бацькі, Васіль Аляксандравіч і Надзея Васільеўна, былі настаўнікамі Велікарыцкай сярэдняй школы. Аляксандр скончыў Мінскае сувораўскае ваеннае вучылішча з залатым медалём (1970), паступіў на лячэбны факультэт Мінскага дзяржаўнага медыцынскага інстытута, які закончыў з адзнакай (1976).
28 жніўня 2021 г. — 80 гадоў з дня нараджэння Івана Іванавіча Заматаева (1941–2012), паэта
Іван Іванавіч Заматаеў нарадзіўся 28 жніўня 1941 г. у пасёлку Елацьяма Касімаўскага раёна Разанскай вобласці. Бацька загінуў на Вялікай Айчыннай вайне, засталіся чацвёра дзяцей, Ваня быў самы малодшы. Дзяцінства было галодным, але шчаслівым. У юнацтве пачаў пісаць пра хараство бэзавага захаду, гарэзлівасць юнацкіх думак, зачараванне кожнай парой года.
19 верасня 2021 г. — 70 гадоў з дня нараджэння Аляксандра Іванавіча Ханчука (1951), геолага, акадэміка Расійскай акадэміі навук
Аляксандр Іванавіч Ханчук нарадзіўся 19 верасня 1951 г. у г. Маларыце Брэсцкай вобласці. Скончыў з адзнакай геалагічны факультэт Львоўскага дзяржаўнага ўніверсітэта (1976) і быў накіраваны на Далёкі Усход, дзе праходзіў пераддыпломную практыку.